தொலைந்து போன பால்யம்
தூக்கி எறியப்பட்ட கனவுகள்
இளமையில் துரத்திய வறுமை
விதியென வாய்த்த வாழ்க்கை
உரிமை இல்லா உறவுகள்
உண்மை இல்லா உணர்வுகள்
புரிதல் இல்லா புணர்வுகள்
அடைகாக்கும் சமையலறை
அடுத்த சிறையாய் படுக்கையறை
அலுவலகத்தில் அசடுகள்
அங்கும் அக்னி பரீட்சை தான்
உடல்மொழி தனிக்கதை
உளவியலானது விடுகதை
பிள்ளை வளர்ப்பு பெருங்கதை
குடும்பமது போர்க்களம்
சுயம் மறந்து நாட்களாக
நட்புகள் ஏது சிந்தையில்
பெரியாரும் பாரதியும்
பெருமூச்சிறைக்கச் செய்ய
வாசிக்கப் பழகியவள்
எழுதத் தொடங்கினாள்
எழுத்துகள் தந்தது விடுதலை எண்ணங்களில் எழுச்சி
வேர்களைத்தேடிய எழுத்தில்
அவளை அவளே கண்டெடுத்தாள்
ஆறாம் விரலாய் அவள் பேனாவும்
அஞ்சாத அறமுறைத்தது.
பெண்களாய் வாழ்வதே சாதனை தான்
அனுதினம் உன்னை நீ கொண்டாடு
-- தீபிகா சுரேஷ்
No comments:
Post a Comment