“கருக்காத்தம்மன்”
-- ஜமுனா இராமஜெயம்
இதயம் ஒரு கணம்
துடிப்பைத் தவற விட்டது!
ஈரக்கொலை நடுங்கியது,
கண்ணில் வியர்வை கொட்டியது.
பசியைப்போக்க உழைக்கும்
அந்த “அம்மா”வை பார்த்து.
பட்டாடை உடுத்தி தங்கநகை
அணிந்தவள் தான் அம்மனா????
இந்தா வரா பாருங்க
“கருக்காத்தம்மன்”
வயிற்றுப்பசியாற,
உழைக்கும் வேளையில்,
மார்போடு அணைத்த படி,
பசியாறிக் கொண்டிருக்கும்
தன் பிஞ்சுக் குழந்தையை சுமந்தபடி..
~ ஜமுனா இராமஜெயம்
