ரோஜா

——  ருத்ரா இ.பரமசிவன்.

காதலைச்சொல்ல

இந்தப் பூவை விட்டால்

வேறு எந்தப்பூ இருக்கிறது

என்று

ஒரு ரோஜாச்செண்டை

அவளிடம் நீட்டினேன்.

ஆங்கிலத்தை விட்டால்

வேறு என்ன மொழியில்

என் காதலை ஒலிப்பது

என்று

"ஐ லவ் யூ" என

அவளிடம் சொன்னேன்.

அவள் பூவை வாங்கிக்கொண்டாள்.

"ஐ லவ் யூ"க்கு முறுவலித்தாள்.

பின் குளிர்ச்சியாகச் சொன்னாள்!

"நீ

கொடுத்ததையும் சொன்னதையும் தான்

அதோ

அங்கே நிற்கிறான் பார்

அவனுக்கு

கொடுக்கப்போகிறேன்.

சொல்லப்போகிறேன்."

"நன்றி.

அப்படித்தான் இந்த இரண்டையும்

அதோ

அங்கே நிற்கிறாள் பார்

அவளிடமிருந்து

நான் வாங்கி வந்தேன்!"

________________________________________________________________________

தொடர்பு: ருத்ரா இ.பரமசிவன் (ruthraasivan@gmail.com)